كيف تتفادى الحرق؟ | How to avoid SPOILERS?

كيف تتفادى الحرق؟ | How to avoid spoilers?

الحرق... الحرق في كل مكان

تصفح الفيسبوك و مواقع التواصل الاجتماعي بشكل عام بقى عامل زي الإمساك بقنبلة موقوتة هتنفجر في أي لحظة.
في عالم مليء بقرَّاء المانجا، الحرق بقى شغال على قدم وساق!

وعشان كده، أصبح من الواجب على أحدهم إرشاد الناس لـ بوابةٍ جحيمٌ ما قبلها، نعيمٌ ما بعدها.

هنتكلم عن حاجتين:

أولًا: أدوات ممكن تساعدك عشان تبعد عن الحرق.

ثانيًا: إرشادات عشان تبعد عن الحرق.

أولًا: أدوات:

-أداة Social Fixer للـFacebook، وهي أداة بها العديد من المزايا، ولكن سنركز على ميزة إخفاء المنشورات التي تحتوي على كلمات محددة وإخفاء الـSpoilers.

إخفاء المنشورات التي تحتوي على كلمة Spoilers

إضافة فلاتر خاصة

إخفاء المنشورات التي تحتوي على كلمات معينة

وأعتبر الميزة الثالثة (Hide Post) هي الأفضل، فيمكنك إضافة كلمة حرق باللغتين العربية والانجليزية وأكبر قدر ممكن من الكلمات المتعلقة بالأنمي الذي تتابعه ولا تودُّ حرقه على نفسك مثلًا: ناروتو، Naruto، ناروتو شيبودين، Naruto Shippuden، ساسكي، إلخ...


-أداة Unspoiler: وهي ليست متخصصة مثل Social Fixer، ولكنها تعمل على كل المواقع بعكس الأداة السابقة المخصصة للفيسبوك.

ثانيًا: الإرشادات:

1- استخدم كلمات محددة في البحث

يعني ايه؟
يعني لو بتتابع أنمي ون بيس وعايز تشوف الحلقة العشرين، متكتبش في المتصفح ون بيس بس! عشان ساعتها هيجبلك كل مايتعلق بـ ون بيس من قديم و جديد وغالبًا الجديد هو اللي بتلاقيه في بداية نتائج البحث، بدلًا من ذلك، اكتب: ون بيس الحلقة 20
وياسلام لو تكتب بعد رقم الحلقة اسم الموقع اللي بتتفرج منه.
وممكن كمان تفتح الموقع الأول وبعدين تدور على الحلقة من جوه الموقع.

2- لا تبحث عن أي شيء يتعلق بالأنمي

متدورش على فان أرت، ولا موسيقى تصويرية (OST)، ولا نظريات، ولا صور لـ شخصيات.
لو عايز جدًا صورة مثلًا لـ كاكاشي، حدِّد حلقة شفتها و عايز منها الصورة، ومتتصفحش كتير عشان هتلاقي نفسك دخلت من صورة لـ صورة وغالبًا هتنتهي بـ حرق و شعور بالذنب وبعد كده:

3- اصبر قبل أن تسأل

بعض الأشياء في القصص بتكون غامضة وهيتم شرحها بعدين ولكن بنستعجل ونبدأ نسأل وممكن الإجابات اللي هنلاقيها يكون فيها حرق؛ وعشان كده، لازم نصبر.
ولو لازم تسأل، وضَّح مع سؤالك انت وصلت لـ أي جزء وأي حلقة من القصة واطلب عدم الحرق.

4- صديقـ/ـة لا يـ/تـحرق

الأصدقاء الأوتاكوز: هم أعظم وأطيب وأروع وأسخف الأصدقاء وأكثرهم إضحاكًا الذين يمكن أن تصادفاهم وتتعلم منهم

"الصداقة كنز لا يفنى"، وايه أجمل من الأصدقاء اللي مش بيحرقوا!
ممكن تسألهم وتتناقش معاهم لحد مانت شفت دون قلق <3
وياسلام لو يقدروا يبعتولك فان آرت وOST، وفي المقابل، انت تكون ليهم الصديق اللي مش بيحرق بخصوص الأنيميات اللي انت مخلصها وهمَّا لسه بيتابعوها.

5- لا تقم بالإعجاب بأي صفحات أو الدخول لـ جروبات متعلِّقة بالأنمي الذي تتابعه

الصفحات والجروبات دي بتكون حرق رسمي، بس لو مُصِر تدخل، افتكر اني قلتلك بلاااااش:

جهِّز نفسك....الحرق قادم (ويأتي قبل وأثناء وبعد الشتاء :D )

6- تأكد من أن جروب الأنمي -إن كنت بـ جروب- يتَّبِع ويطبق قوانين صارمة بخصوص الحرق

7- تقبل حقيقة أنه حتى بعد كل هذا، قد يتم حرق القصص عليك

أحزنني

حتى بعد كل ده ممكن تصادف حرق، فهي حاجة المفروض نتعود ونتأقلم عليها ومش هنزعل على كل حرق.

نصيحة أم سعيد <3

بل كمان بعض الحرق يستحق، لأنه بيشجعك انك تتفرج. وبعض الحرق بيخليك تركز مع الأنمي ومع أحداث وشخصيات معينة عشان انت عارفـ/ـة هيحصل ايه. المشاهد العادي غالبًا مش هياخدش باله من الحاجات في أول مرة ويحتاج يتفرج تاني عشان يرجع يركز ويلاحظ.
من الآخر، مع الحرق تقدر تشوف القصة بمنظور مختلف!
وإن شاء الله، هنتكلم في موضوع آخر عن إزاي تتابع قصة محروقة عليك :o

أخيرًا، رسالة لهؤلاء قاصدي الحرق:

View post on imgur.com