عاوزين ندردش شوية عن "الفان سيرفيس" , عشان فيه مفاهيم كتير عاوزة تتوضح 
- اولًا : يعني ايه مصطلح "Service" ؟!
كلمة سرفيس باللغة الانجليزية يعني خدمة , خدمة في اي مجال بقا سواء بتغشش صحبك
:D أو هتعزم واحد علي الأكل"لا سمح الله طبعًا" :"D لكن في الاعمال الادبية او في الانمي عموما ليها معني تاني مش مختلف عن الكلام الي فوق ده بيسموها هدية مجانية ممنوحة للفانز حاجة فور فري كدة ايوة يعني الفانز البويز "Boys" عايزين ايتشي ماللي الشيطان بيحبه ده :"D يبقي اعطيله ايتشي *بصوت محمد هنيدي* ده كدة اسمه فان سيرفس, او بنات عاوزين رجالة بمايوهات علي البحر يبقي دا فان سيرفيس نفس الفكرة برضه
خد التقيلة بقي لو حصل وظهر واحدة لابسة الحجاب في المانجا يبقي دا فان سيرفيس !!
ايه التناقض دا , دماغك لفت صح
؟- لا مش تناقض الفكرة عامةً وان ملهاش علاقة بـ"الايتشي والهينتاي" زي ما معظم الناس فاهمين إن مثلا اليابانيين بياكلوا رامن بالعصيان ومحدش بيعمل كدا غير دول شرق اسيا فيقولك لا الناس دي weird ومبتمثلناش لكن بنحب القصة وبنتابعها ظبطهالنا بقي لان احنا الفانز اللي بنشتري المجلدات وبندفع فلوس اكتر يمكن من اليابانيين.
- "هيرو ماشيما" -صاحب مانجا فيري تايل- اكتر مانجاكا مشهور بالفان سيرفيس فنلاقي مثلا فيرجو بتلبس لبس الخادمات الفرنسية او شخصية زي ايتشيا بتستخدم البيرفيوم مع ان تحس انها مش ماشية مع القصة ولا الزمان ولا المكان اللي بتحصل فيه الاحداث ولذلك انا بحترم الراجل دا بغض النظر عن المحتوي العام لكن فكرة انك تهتم بالفانز وتحقق رغباتهم دي بتكسب المانجاكا شعبية وهوا من اقل المؤلفين اللي بيتكلموا مع الناس عالسوشيال ميديا وبيحقق طلباتهم اللي انتا ممكن ثقافتنا بعيدة عنه.
- ساعات بتشوف فايت في انميات الشونين ممكن يخلص في دقيقتين وفي الاخر يمتد لساعتين
البطل يقعد يُضرب طول الحلقة ويفتكر اصحابة ويقلب الكفة ويرجع تاني يغلب ونقعد في دايرة مغلقة , ده برضه يُعتبر نوع من الفان سيرفيس عشان الفانز بتحبه وبتحب تشوف الأكشن والدم
في حجات تانية زي حلقات الاوفا "OVA" تلاقي ابطال الشونين في مدرسة او مخيم او حلقات فلاش باك بيبقي المانجاكا راسم فصول جانبية تنفيذًا لرغبة الجمهور ان يشوف الشخصيات هتعمل ايه لو في المواقف دي او شئ متعلق بالماضي متذكرش في المانجا الاساسية ومبتبقاش تصنف فيلر طبعا لانها من رسم المؤلف.
#الخلاصة_في_مصاصة
خلاصة الكلام الفان سيرفيس مهم جدا في المانجا الحديثة لانه بيلبي رغبات الجماهير وبيجمع فانز
ومش كل الفان سيرفيس بيبقا عبارة عن تعري وقلة ادب
, بس ان المانجاكا بيشوف الناس بتحب ايه ويعمله وفي بعض الاوقات بياثر علي القصة بحيث انها تعجب الجمهور اللي انتا بتتعامل معاه وتسمع للكل !بس كدا ياسيدي دا كان كل كلامنا عن الفان سيرفس النهاردة , لو المقالة عجبتك متنساش تعمل لايك لصفحتنا علي الفيسبوك من هنا وشير وقولنا وجهة نظرك الفان سيرفس عبارة عن ايه ,
ليست هناك تعليقات:
إرسال تعليق