طريقة تحضير طبق الرامن في المنزل

السؤال ده احنا اتسئلناه كتير جدًا , وبعد البحث العميق والجاد الحمد لله لقينا الطريقة بتاعت عمل الرامن وجربتها وقولنا لازم نشاركها مع الفانز حبايبنا ❤

يلا نبدأ ! , ماتصل علي حبيبك النبي الأول ,


ايه هو الرامن في الأساس , الرامن أكلة اصلها كوري أو صيني تقريبًا , إتشهرت عشان هي الأكلة المفضلة عند ناروتو , نخش بقا علي طريقة التحضير 👇

المكونات 👇

- صدر فرخة مخلي (من غير عظم يعني)
- ثوم
- بصل أخضر
- جنزبيل مبشور (Ginger)
- كسبرة خضرا
- فلفل أسود
-حبهان
- نودلز *وهقولك تجيبها منين* DD:

طريقة التحضير : 👇

هنجيب صدر الدجاج أكيد من غير العظم مع
[6 فصوص ثوم متقشر , بصلة خضراء , جنزبيل مبشور , كسبرة خضرا مع الفلفل الأسود] ونسيبهم يغلوا ساعة مع بعض
بعد كده هنصفي الشوربة من الفرخة والثوم ونشيلها علي جنب عشان هنحتاجها تاني وباقي الخضار هنرميه عشان ملهوش لازمة
بعد كدا هنجيب التوم وهنهرسه مع الملح والفلفل الاسود وندهنه علي الفراخ بعد كده هنحمرها مع نقطتين زيت , بعد مانحمر الفرخة هنقطعها قطع صغيرة ونشيلها علي جنب

[كدا إحنا معانا علي جنب الفرخة المتقطعة والشوربة]
نيجي بقا للنودلز ودي ممكن تجيبها من كارفور وهتلاقيها متواجدة في جميع فروع كارفور لو ملقتهاش اسأل أي حد من اللي شغالين هناك علي ركن النودلز الصيني وهيدلك عليها .

نرجع تاني
هنجيب النودلز ونسلقها عادي *بتغليها مع المياه يعني* وإياك تسلقها مع الشوربة عشان متبوظش الدنيا

أول ماتخلص سلق النودلز هتجيب طبق غويط وتحط فيه الشوربة وعليها النودلز المسلوقة وعليهم قطع الفراخ المحمرة ونوّع بقا في الأضافات ممكن تحط عليهم نص بيضة مسلوقة أو بصل أخضر متقطع قطع صغيرة أو مثلًا جزر , فلفل ألوان , مشروم إلخ
..

الوصفة دي أنا شخصيًا مجربها وطعمها تحفة جدًا

طريقة تانيه :

١- تجيب صدر فرخة مخلي يتبل بصويا صوص و فلفل اسود و (توم مدقوق مع كسبرا خضرا و جنزبيل فريش مغسول بقشره ) و نسيبها شوية

2 - نعمل الشوربه عبارة عن توم و جنزبيل و بصله خضرا مع قطعة فراخ صغيرة و شوية صويا صوص تغلي لحد ما تكون شوربة

3 -النودلز تتسلق في مايه لوحدها غير الشوربة

4 -في طاسه عالنار نسخنها كويس و بعدين نضيف الزيت و الفراخ نشوحها لحد ما تستوي و نضيف بصل و ماشروم لو حابين و نشيل الفراخ و بعدين نحط النودلز مكانها و شوية صويا صوص و ملح لو محتاجة و نقلبها .

5- التقديم : لو حابين تكلوها كده عادي تغرفوها و ترصوا الفراخ و الاضافات او ممكن تحطوا شوربة من الي فوق في طبق و تضيفوا النودلز و ملح و فلفل اسود حسب الرغبة وترصوا الفراخ عالوش و البصل الاخضر و اي اضافات حابينها ^-^

بس كدا ياسيدي أحلي رامن ومن غير ماتخرج من البيت